HBO ჰარი პოტერზე სერიალს გადაიღებს

106

ჰარი პოტერი მსოფლიოში ყველაზე პოპულარული წიგნების სერიაა. მსოფლიოში მისი ნახევარ მილიარდზე მეტი ეგზემპლარია გაყიდული და თარგმნილია 87 ენაზე. ბრიტანელი მწერლის მიერ შექმნილი ფენტეზი სერია რვა ფილმად გადაიღეს, რომელთა საერთო შემოსავალმა $8 მილიარდს გადააჭარბა. ახლა კი როგორც ამერიკული მედიაგამოცემა The Hollywood Reporter გვამცნობს, HBO Max-მა ჰარი პოტერის სერიალზე მუშაობა უკვე დაიწყო.

ჯერჯერობით უცნობია თუ ვინ იმუშავებს წიგნის სერიალად გადაქცევაზე. როგორც გავიგეთ, ამჟამად WarnerMedia-სა და სტრიმინგ პლატფორმის წარმომადგენლებს შორის მოლაპარაკებები მიმდინარეობს და რამდენიმე პოტენციური სცენარისტისა და რეჟისორის პროექტში ჩართვა განიხილება.